Հարգելի Հերմինե, նման տեղակայման մազերի հաճախակի մեխանիկական հեռացումից հետո սովորաբար նրանք սկսում են գալ ավելի հաստ և ավելի կոպիտ, ինչպես դա լինում է ամենատարբեր տեղակայման մազակալման դեպքում և խնդրի լուծման օպտիմալ տարբերակը մնում է լազերային էպիլյացիան: Իսկ եթե ի սկզբանե եղել են կոշտ մազեր ու քանակն ավելանում է, հարկավոր է խորհրդակցել գինեկոլոգ-շնդոկրինոլոգի հետ, քանի որ այս պարագայում հնարավոր են հորմոնալ փոփոխությունները:

Հարգելի Հերմինե, բարև Ձեզ, սպիտակ գծերը կրծքի վրա առաջանում են կրծքի չափերի արագ մեծանալու հետևանքով: Նման գծեր առաջանում են նաև ազդրերի և հետույքի շրջանում: Դեղատներում հատուկ քսուկներ են վաճառվում, որոնց օգտագործելու պայմաններում կանխարգելում են նման գծերի առաջացումը: 

Հարգելի Տաթև, բարև Ձեզ, ցանկալի է հղիության շրջանից դուրս, երբ կնոջ օրգանիզմը դուրս է գալիս բուռն հորմոնալ փոփոխություններից, խորհրդակցել գինեկոլոգ-էնդոկրինոլոգի հետ, կատարել հորմոնների հանդեպ հետազոտություն` պարզելու բուն պատճառները, հետո միայն որոշելու նրանից ազատվելու ճանապարհները։

Հարգելի Գոհար, միանշանակ, հղիության ընթացքում կնոջ օրգանիզմում առկա է հորմոնալ նշանակալից տեղաշարժեր, որի ընթացքում հավանական է նաև մազածածկույթին հարող փոփոխություններ։ Չի բացառվում, որ հղիության ընթացքում նկատելիորեն նվազի մազածածկույթը` ընդհուպ մինչև նորմային համապարսխան։ Ծննդաբերությունից հետո ինչքանով է հնարավոր վերափոփոխությունը, կանխագուշակելը դժվար է։